GT vs CSK, IPL 2025: CSK એ ગુજરાત ટાઇટન્સને 83 રને હરાવ્યુ

સીએસકે બેટ્સમેન પછી બોલરોના તેજસ્વી પ્રદર્શન સાથે ગુજરાત ટાઇટન્સને 83 રનથી હરાવ્યું છે. પ્રથમ બેટિંગ કરતા સીએસકે 20 ઓવરમાં પાંચ વિકેટ ગુમાવી 230 રન બનાવ્યા. તેના જવાબમાં ગુજરાતની ટીમ 18.3 ઓવરમાં 147 રનમાં ઓલઆઉટ થઇ ગઇ.

ગુજરાતને રાશિદ ખાનના રૂપમાં છઠ્ઠો આંચકો લાગ્યો છે. નૂર અહેમદે રાશીદને આઉટ કર્યો અને સીએસકેને સફળતા અપાવી.

જાડેજાએ ગુજરાતને એક જ ઓવરમાં બે આંચકા આપ્યા. જાડેજાએ પહેલા શાહરૂખ ખાનને આઉટ કર્યો અને ત્યારબાદ સાંઈ સુદર્શનને પેવેલિયનમાં મોકલ્યો. ગુજરાતની અડધી ટીમ 86 ના સ્કોર પર પેવેલિયનમાં પરત ફરી છે. સુદર્શન 28 બોલમાં છ ચોગોની મદદથી 41 રન બનાવીને આઉટ થયો હતો.

જાડેજાએ શાહરૂખ ખાનને આઉટ કરીને ગુજરાતને ચોથો ફટકો આપ્યો. શાહરૂખ 15 બોલમાં બે છગ્ગાની મદદથી 19 રન બનાવીને આઉટ થયો.

ગુજરાત ટાઇટન્સને શુભમન ગિલના રૂપમાં પહેલો ઝટકો લાગ્યો છે. ગિલ અંશુલ કંબોજના બોલ પર ઉર્વિલ પટેલના હાથે કેચ આઉટ થયો. ગિલ નવ બોલમાં એક ફોર અને એક સિક્સરની મદદથી 13 રન બનાવીને આઉટ થયો.

CSK સામે ટાર્ગેટનો પીછો કરતા ગુજરાતની ઈનિંગ શરૂ થઈ ગઈ છે. ગિલ અને સાઈ સુદર્શન ક્રીઝ પર હાજર છે. સુદર્શન એક પ્રભાવશાળી ખેલાડી તરીકે મેદાનમાં આવ્યો છે. CSK એ ગુજરાત માટે 231 રનનો લક્ષ્યાંક રાખ્યો છે.

ડેવોન કોનવેની ડેવાલ્ડ બ્રેવિસની શાનદાર અડધી સદીને કારણે ચેન્નઈ સુપર કિંગ્સે ગુજરાતને જીતવા માટે 231 રનનો લક્ષ્યાંક આપ્યો છે. બ્રેવિસે માત્ર 19 બોલમાં પોતાની અડધી સદી પૂર્ણ કરી, જેના કારણે CSKએ 20 ઓવરમાં પાંચ વિકેટ ગુમાવીને 230 રન બનાવ્યા છે. CSKએ ટોસ જીતીને પહેલા બેટિંગ કરવાનો નિર્ણય લીધો અને તેના માટે કોનવે અને બ્રેવિસે અડધી સદી ફટકારી. બ્રેવિસે અંતે આક્રમક બેટિંગ કરી, જેના કારણે CSK 200 રનનો આંકડો પાર કરવામાં સફળ રહ્યું.

ડેવોન કોનવેએ અડધી સદી ફટકાર્યા બાદ પોતાની વિકેટ ગુમાવી દીધી. કોનવેએ 34 બોલમાં પોતાની અડધી સદી પૂરી કરી પરંતુ બીજા જ બોલ પર રાશિદ ખાને તેને બોલ્ડ કરીને પેવેલિયનનો રસ્તો બતાવ્યો. કોનવે 35 બોલમાં છ ચોગ્ગા અને બે સિકસરની મદદથી 52 રન બનાવીને આઉટ થયો.

શાહરુખ ખાને શિવમ દુબેને આઉટ કરીને સીએસકેને ત્રીજો ઝટકો આપ્યો છે. શિવમ આઠ બોલમાં બે છગ્ગાની મદદથી 17 રન બનાવીને આઉટ થયો.

સાઈ કિશોરે ઉર્વિલ પટેલને આઉટ કરીને સીએસકેને બીજો ઝટકો આપ્યો છે. આ રીતે ઉર્વિલ અને કોનવે વચ્ચેની અડધી સદીની ભાગીદારી તૂટી ગઈ. ઉર્વિલ અને કોનવેએ બીજી વિકેટ માટે 63 રન ઉમેર્યા. ઉર્વિલ 19 બોલમાં ચાર ચોગ્ગા અને બે છગ્ગાની મદદથી 37 રન બનાવીને આઉટ થયો.

CSK એ ગુજરાત સામે સારી શરૂઆત કરી છે અને પાવરપ્લેના અંત સુધીમાં સ્કોર 60 રનને પાર કરી ગયો છે. CSK એ છ ઓવરના અંત પછી એક વિકેટે 68 રન બનાવ્યા છે. આ સિઝનમાં પાવરપ્લેમાં CSK દ્વારા બનાવેલ સૌથી વધુ સ્કોર છે.

પ્રસિધ કૃષ્ણાએ આયુષ મ્હાત્રેને આઉટ કરીને CSK ને પહેલો ફટકો આપ્યો છે. મ્હાત્રેએ કોનવે સાથે મળીને ટીમને સારી શરૂઆત આપી હતી, પરંતુ તેણે પોતાની વિકેટ ગુમાવી દીધી હતી. મ્હાત્રે 17 બોલમાં ત્રણ ચોગ્ગા અને ત્રણ છગ્ગાની મદદથી 34 રન બનાવીને આઉટ થયો હતો.

CSK: આયુષ મ્હાત્રે, ડેવોન કોનવે, ઉર્વિલ પટેલ, રવિન્દ્ર જાડેજા, ડેવાલ્ડ બ્રેવિસ, શિવમ દુબે, દીપક હુડા, મહેન્દ્ર સિંહ ધોની (કેપ્ટન અને વિકેટકીપર), નૂર અહેમદ, અંશુલ કંબોજ, ખલીલ અહેમદ.

ઈમ્પેક્ટ સબ: મતિષા પથિરાના, વિજય શંકર, કમલેશ નાગરકોટી, રામકૃષ્ણ ઘોષ, રવિચંદ્રન અશ્વિન.

ગુજરાત ટાઇટન્સઃ શુભમન ગિલ (કેપ્ટન), જોસ બટલર (વિકેટકીપર), શેરફેન રધરફર્ડ, શાહરૂખ ખાન, રાહુલ તેવટિયા, રાશિદ ખાન, ગેરાલ્ડ કોએટ્ઝ, આર સાઈ કિશોર, મોહમ્મદ સિરાજ, અરશદ ખાન, પ્રસિદ કૃષ્ણા.

ઈમ્પેક્ટ સબ: સાઈ સુદર્શન, અનુજ રાવત, મહિપાલ લોમરોર, વોશિંગ્ટન સુંદર, ઈશાંત શર્મા.

ચેન્નાઈ સુપર કિંગ્સ (CSK) ના કેપ્ટન મહેન્દ્ર સિંહ ધોનીએ ગુજરાત ટાઇટન્સ સામે ટોસ જીતીને પહેલા બેટિંગ કરવાનો નિર્ણય લીધો. CSK એ આ મેચ માટે પ્લેઇંગ-11 માં એક ફેરફાર કર્યો છે અને રવિચંદ્રન અશ્વિનની જગ્યાએ દીપક હુડ્ડાને ટીમમાં સામેલ કર્યો છે. ગુજરાતે પણ એક ફેરફાર કર્યો છે અને રબાડાની જગ્યાએ કોટ્ઝને તક મળી છે.