IPL 2025 Kolkata Knight Riders vs Chennai Super Kings Head To Head Records : આઈપીએલ 2025ની 57મી મેચમાં કોલકાતા નાઇટ રાઇડર્સ અને ચેન્નઇ સુપર કિંગ્સ વચ્ચે મુકાબલો થશે. આ મેચ 7 મે ના રોજ કોલકાતાના ઇડન ગાર્ડન્સ સ્ટેડિયમમાં રમાશે. આઈપીએલ 2025માં અત્યાર સુધીમાં કોલકાતા 11 મેચ રમ્યું છે. જેમાં 5 મેચમાં વિજય મેળવ્યો છે અને 5 મેચમાં પરાજય થયો છે. એક મેચ રદ થઇ હતી. જ્યારે ચેન્નઇનો 11 મેચમાંથી 2 મેચમાં વિજય થયો છે અને 9 મેચમાં પરાજય થયો છે.
કોલકાતા નાઇટ રાઇડર્સ વિ ચેન્નઇ સુપર કિંગ્સ હેડ ટુ હેડ
આઈપીએલમાં બન્ને વચ્ચે અત્યાર સુધીની હેડ ટુ હેડ મેચની વાત કરીએ તો સીએસકેનું પલડું ભારે છે. આઈપીએલમાં ચેન્નઇ અને દિલ્હી વચ્ચે અત્યાર સુધીમાં 31 મુકાબલા થયા છે. જેમાંથી 19 મેચમાં ચેન્નઇનો વિજય થયો છે જ્યારે 11 મેચમાં કોલકાતાનો વિજય થયો છે. એક મેચ અનિર્ણિત રહી છે. બન્ને વચ્ચેના મુકાબલામાં સીએસકેનો હાઈએસ્ટ સ્કોર 235 અને લોએસ્ટ સ્કોર 103 રન છે. જ્યારે કેકેઆરનો હાઇએસ્ટ સ્કોર 201 અને લોએસ્ટ સ્કોર 107 રન છે.
છેલ્લા 3 મુકાબલાનો રેકોર્ડ
આઈપીએલમાં બન્ને વચ્ચેના છેલ્લા 3 મેચના રેકોર્ડ પર નજર કરવામાં આવે તો ચેન્નઇ સુપર કિંગ્સનું પલડું ભારે છે. છેલ્લી 3 મેચમાંથી 2 મેચમાં સીએસકેનો વિજય થયો છે. જ્યારે 1 મેચમાં કેકેઆરનો વિજય થયો છે. 2025ની સિઝનમાં બન્ને પ્રથમ વખત ટકારાયા હતા ત્યારે કોલકાતાનો વિજય થયો હતો.
બન્ને સંભવિત ટીમો આ પ્રમાણે છે
કોલકાતા નાઇટ રાઇડર્સ: રહેમાનુલ્લા ગુરબાઝ, સુનીલ નારાયણ, અજિંક્ય રહાણે (કેપ્ટન), અંગક્રિશ રઘુવંશી, મોઈન અલી, વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, વરુણ ચક્રવર્તી, વૈભવ અરોરા.
ચેન્નઇ સુપર કિંગ્સ : શાઇક રાશિદ, આયુષ મ્હાત્રે, સેમ કરન, રવિન્દ્ર જાડેજા, ડેવલ્ડ બ્રેવિસ, દીપક હુડા, એમએસ ધોની (કેપ્ટન), અંશુલ કંબોજ, નૂર અહમદ, મથીશા પાથિરાના, ખલીલ અહેમદ.
