Ind vs Eng 3rd Test : ઇંગ્લેન્ડે ટેસ્ટ જીતી, રવિન્દ્ર જાડેજાએ દિલ જીત્યા

રવિન્દ્ર જાડેજા, જસપ્રીત બુમરાહ અને મોહમ્મદ સિરાજે લડાયક બેટિંગ કરી હોવા છતા ત્રીજી ટેસ્ટમાં ભારતનો 22 રને પરાજય થયો છે. ઇંગ્લેન્ડે જીતવા માટે આપેલા 193 રનના પડકાર સામે ભારતીય ટીમ 74.5 ઓવરમાં 170 રનમાં ઓલઆઉટ થઇ ગઇ હતી. આ જીત સાથે ઇંગ્લેન્ડે પાંચ મેચની ટેસ્ટ શ્રેણીમાં 2-1થી લીડ મેળવી લીધી છે. શ્રેણીની ચોથી ટેસ્ટ 23 જુલાઇથી શરુ થશે.

મોહમ્મદ સિરાજ 30 બોલમાં 4 રન બનાવી બશીરની ઓવરમાં બોલ્ડ થયો. રવિન્દ્ર જાડેજાના 181 બોલમાં 4 ફોર અને 1 સિક્સર સાથે અણનમ 61 રન.

ચા ના વિરામ સમયે ભારતે 70 ઓવરમાં 9 વિકેટે 163 રન બનાવી લીધા છે. રવિન્દ્ર જાડેજા 56 અને મોહમ્મદ સિરાજ 2 રને રમતમાં છે. ભારતને જીત માટે 30 રનની અને ઇંગ્લેન્ડને 1 વિકેટની જરૂર છે.

રવિન્દ્ર જાડેજાએ 150 બોલમાં 4 ફોર અને 1 સિક્સરની મદદથી અડધી સદી ફટકારી. ભારતે 64.4 ઓવરમાં 150 રન પુરા કર્યા.

જસપ્રીત બુમરાહ 54 બોલમાં 1 ફોર સાથે 5 રન બનાવી સ્ટોક્સની ઓવરમાં કેચ આઉટ થયો. ભારતે 147 રને નવમી વિકેટ ગુમાવી.

ભારતે 50 ઓવરમાં 8 વિકેટે 134 રન બનાવી લીધા છે. રવિન્દ્ર જાડેજા 35 અને જસપ્રીત બુમરાહ 4 રને રમતમાં છે.

ત્રીજી ટેસ્ટમાં ભારતે લંચ સમયે 39.3 ઓવરમાં 8 વિકેટે 112 રન બનાવી લીધા છે. રવિન્દ્ર જાડેજા 17 રને રમતમાં છે.

નીતિશ કુમાર રેડ્ડી 53 બોલમાં 1 ફોર સાથે 13 રન બનાવી વોક્સની ઓવરમાં કેચ આઉટ થયો. ભારતે 112 રને આઠમી વિકેટ ગુમાવી.

ભારતે 32 ઓવરમાં 100 રન પુરા કર્યા. રવિન્દ્ર જાડેજા 14 અને નીતિશ કુમાર રેડ્ડી 5 રને રમતમાં છે.

વોશિંગ્ટન સુંદર 4 બોલમાં ખાતું ખોલાયા વિના આર્ચરની ઓવરમાં કેચ આઉટ થયો. ભારતે 82 રને સાતમી વિકેટ ગુમાવી.

કેએલ રાહુલ 58 બોલમાં 6 ફોર સાથે 39 રન બનાવી સ્ટોક્સની ઓવરમાં એલબી આઉટ થયો. ભારતે 81 રને છઠ્ઠી વિકેટ ગુમાવી.

ઋષભ પંત 12 બોલમાં 2 ફોર સાથે 9 રન બનાવી આર્ચરની ઓવરમાં બોલ્ડ થયો. ભારતે 71 રને પાંચમી વિકેટ ગુમાવી.

ભારત અને ઇંગ્લેન્ડ વચ્ચેની ત્રીજી ટેસ્ટનો આજે પાંચમો અને નિર્ણાયક દિવસ છે. ઇંગ્લેન્ડે જીતવા માટે આપેલા 193 રનના ટાર્ગેટ સામે ભારતે ચોથા દિવસના અંતે 4 વિકેટે 58 રન બનાવી લીધા છે. દિવસના અંતે કેએલ રાહુલ 33 રને રમતમાં છે. ભારતને જીત માટે 135 રનની અને ઇંગ્લેન્ડને 6 વિકેટની જરુર છે.