Ind vs Eng 3rd Test : કેએલ રાહુલની સદી, ટીમ ઇન્ડિયા 387 રનમાં ઓલઆઉટ

ત્રીજા દિવસના અંતે ઇંગ્લેન્ડે બીજા દાવમાં 1 ઓવરમાં વિના વિકેટે 2 રન બનાવી લીધા છે. ઝેક ક્રોલી 2 અને બેન ડકેટ ખાતું ખોલાયા વિના રમતમાં છે.

ત્રીજી ટેસ્ટના પ્રથમ દાવમાં ભારતીય ટીમ 119.2 ઓવરમાં 387 રનમાં ઓલઆઉટ. ઇંગ્લેન્ડ તરફથી ક્રિસ વોક્સે સૌથી વધારે 3 વિકેટ ઝડપી. વોશિંગ્ટન સુંદર 76 બોલમાં 1 ફોર અને 1 સિક્સર સાથે 23 રન બનાવી આર્ચરની ઓવરમાં કેચ આઉટ થયો.

આકાશદીપ 10 બોલમાં 1 સિક્સર સાથે 7 રને અને જસપ્રીત બુમરાહ 8 બોલમાં ખાતું ખોલાયા વિના આઉટ થયો. ભારતે 387 રને નવમી વિકેટ ગુમાવી.

રવિન્દ્ર જાડેજા 131 બોલમાં 8 ફોર અને 1 સિક્સર સાથે 72 રન બનાવી વોક્સની ઓવરમાં કેચ આઉટ થયો. ભારતે 376 રને સાતમી વિકેટ ગુમાવી.

રવિન્દ્ર જાડેજાએ 87 બોલમાં 5 ફોર સાથે અડધી સદી ફટકારી.

નીતિશ કુમાર રેડ્ડી 91 બોલમાં 4 ફોર સાથે 30 રન બનાવી સ્ટોક્સની ઓવરમાં કેચ આઉટ થયો.. ભારતે 326 રને છઠ્ઠી વિકેટ ગુમાવી.

ચા ના વિરામ સમયે ભારતે 91 ઓવરમાં 5 વિકેટે 316 રન બનાવી લીધા છે. રવિન્દ્ર જાડેજા 40 અને નીતિશ કુમાર રેડ્ડી 25 રને રમતમાં છે.

ભારતે 83.4 ઓવરમાં 300 રન પુરા કર્યા. રવિન્દ્ર જાડેજા અને નીતિશ કુમાર રેડ્ડી રમતમાં છે.

કેએલ રાહુલ 177 બોલમાં 13 ફોર સાથે 100 રન બનાવી શોએબ બશીરની ઓવરમાં કેચ આઉટ થયો. ભારતે 254 રને પાંચમી વિકેટ ગુમાવી.

કેએલ રાહુલે 176 બોલમાં 13 ફોર સાથે સદી ફટકારી. રાહુલે ટેસ્ટ કારકિર્દીની 10મી સદી ફટકારી.

પ્રથમ દાવમાં ભારતે લંચ સમયે 65.3 ઓવરમાં 4 વિકેટે 248 રન બનાવી લીધા છે. કેએલ રાહુલ 98 રને રમતમાં છે.

ઋષભ પંત 112 બોલમાં 8 ફોર અને 2 સિક્સરની મદદથી 74 રન બનાવી રન આઉટ થયો. ભારતે 248 રને ચોથી વિકેટ ગુમાવી.

ભારતના 50 ઓવરમાં 3 વિકેટે 159 રન. કેએલ રાહુલ 54 અને ઋષભ પંત 31 રને રમતમાં છે.

ભારતે 43.4 ઓવરમાં 150 રન પુરા કર્યા. કેએલ રાહુલ અને ઋષભ પંત રમતમાં છે.

ભારત અને ઇંગ્લેન્ડ વચ્ચેની ત્રીજી ટેસ્ટનો આજે ત્રીજો દિવસ છે. ઇંગ્લેન્ડના 387 રનના જવાબમાં ભારતે બીજા દિવસના અંતે 43 ઓવરમાં 3 વિકેટે 145 રન બનાવી લીધા છે. ભારત હજુ 242 રન પાછળ છે અને તેની 7 વિકેટો બાકી છે. દિવસના અંતે કેએલ રાહુલ 53 અને ઋષભ પંત 19 રને રમતમાં છે.