Today News: ભૂતપૂર્વ સાંસદ પ્રજ્વલ રેવન્નાને બળાત્કારના કેસમાં આજીવન કેદની સજા

Gujarat Rain : સ્ટેટ ઇમરજન્સી ઓપરેશન સેન્ટર, ગાંધીનગરના આંકડા પ્રમાણે રાજ્યમાં શનિવારને 2 ઓગસ્ટના રોજ સવારના 6 થી સાંજના 6 વાગ્યા સુધીમાં 46 તાલુકામાં વરસાદ વરસ્યો છે …વધુ માહિતી

Malegaon Blast : સાધ્વી પ્રજ્ઞા ઠાકુરે કહ્યું કે અધિકારીઓએ તેમને કહ્યું હતું કે જો તેઓ આ નામો બોલી દેશે તો તેની પિટાઇ અને ત્રાસ ખતમ થઈ જશે. કે આ સમગ્ર ખોટા કેસ પાછળ કોંગ્રેસનો હાથ છે
…અહીં વાંચો

હાસનના ભૂતપૂર્વ સાંસદ પ્રજ્વલ રેવન્નાને બળાત્કારના કેસમાં કોર્ટે આજીવન કેદની સજા ફટકારી છે. કોર્ટે 1 ઓગસ્ટના રોજ ભૂતપૂર્વ સાંસદને બળાત્કાર, જાતીય શોષણ, ધાકધમકી અને ડિજિટલ ગુનાઓના ગંભીર કેસમાં દોષિત ઠેરવ્યા હતા. હવે કોર્ટે બે કેસમાં આજીવન કેદ અને અન્ય કેસોમાં કુલ 11 લાખ રૂપિયાનો દંડ પણ ફટકાર્યો છે. આ સમગ્ર રકમ પીડિતાને વળતર તરીકે આપવામાં આવશે. સજા આજથી અમલમાં આવી છે.

કરિશ્મા કપૂર (Karisma Kapoor) ના ભૂતપૂર્વ પતિ સંજય કપૂરનું અવસાન રમત દરમિયાન મધમાખી તેના ગળામાં ગઈ અને તેના ડંખથી તેને હાર્ટ એટેક આવ્યો. સંજય કપૂર વિશ્વની અગ્રણી ઓટો કમ્પોનન્ટ કંપનીઓમાંની એક સોના કોમસ્ટારના ચેરમેન હતા. …વધુ વાંચો

ચૂંટણી પંચે બુથ લેવલ અધિકારીઓનું વેતન બમણું કર્યું છે. ચૂંટણી પંચ બુથ લેવલ અધિકારીઓનું વેતન 6000 રૂપિયાથી વધારી 12000 રૂપિયા કર્યું છે. તેવી જ રીતે બુથ લેવલ સુપરવાઇઝર ઓફિસરનું વેતન 12000 રૂપિયાથી વધારી 18000 રૂપિયા કર્યું છે. તેવી જ રીતે ERP અને AEROનું પણ વેતન વધાર્યું છે.

જમ્મુ કાશ્મીરના કુલગામમાં એક મોટું એન્કાઉન્ટર ચાલી રહ્યું છે, સેનાએ મોડી રાતથી આતંકીઓને ઘેરી લીધા છે. એવું જણાવવામાં આવી રહ્યું છે કે આ ઓપરેશનમાં એક આતંકી પણ માર્યો ગયો છે, માનવામાં આવી રહ્યું છે કે ત્યાં વધુ બેથી ત્રણ આતંકવાદીઓ હોઇ શકે છે. આર્મીના ચિનાર કોર્પ્સે આ એન્કાઉન્ટરની પુષ્ટિ કરી છે.

પીએમ નરેન્દ્ર મોદી આજે વારાણસી જવાના છે. પીએમ મોદી વારાણસીમાં 2200 કરોડ રૂપિયાના વિવિધ પ્રોજેક્ટનું લોકાર્પણ કરશે. આ દરમિયાન તેઓ પીએમ કિસાન યોજનાનો 20મો હપતો ખેડૂતોના બેંક ખાતામાં જમા કરવાની પણ ઘોષણા કરવાના છે. વડાપ્રધાન સેવાપુરી વિધાનસભા મતવિસ્તારના બનૌલી ગામમાં એક જનસભાને પણ સંબોધિત કરી શકે છે.