Parliament Monsoon Session: સંસદનું ચોમાસું સત્ર સોમવારથી શરૂ થઈ રહ્યું છે. ઉપલા ગૃહમાં સત્રના પહેલા જ દિવસે સરકારને આ વિમાન દુર્ઘટનાને લઈને પ્રશ્નોત્તરી કાળ દરમિયાન અનેક સવાલો પૂછવામાં આવશે. રાજ્યસભાની વેબસાઇટ પર ઉપલબ્ધ માહિતી અનુસાર, સોમવારે પૂછવામાં આવેલા 15 તારાંકિત પ્રશ્નોમાંથી, આઠ નાગરિક ઉડ્ડયન મંત્રાલય સાથે સંબંધિત છે. જેમાંથી પાંચ પ્રશ્નો અમદાવાદ એર ઈન્ડિયા પ્લેન ક્રેશ, તેની તપાસ અને વિમાન મુસાફરોની સુરક્ષા સાથે જોડાયેલા છે.
રાષ્ટ્રીય જનતા દળ (આરજેડી)ના સાંસદ મનોજકુમાર ઝાએ નાગરિક ઉડ્ડયન પ્રધાનને પૂછ્યું હતું કે ત્રણ વર્ષ દરમિયાન ડિરેક્ટોરેટ જનરલ ઓફ સિવિલ એવિએશન (ડીજીસીએ) દ્વારા કેટલી સલામતી અને જાળવણીની તપાસ કરવામાં આવી હતી. આ નિરીક્ષણો દરમિયાન ઓળખી કાઢવામાં આવેલી અનિયમિતતાની સંખ્યા અને પ્રકૃતિ શું હતી?
આવી જ રીતે આમ આદમી પાર્ટી (આપ)ના સાંસદ સંદીપકુમાર પાઠકે મંત્રીને પૂછ્યું હતું કે, છેલ્લા ત્રણ વર્ષ દરમિયાન પેસેન્જર વિમાનોમાં પેસેન્જર સેફ્ટી ગાઇડલાઇન્સના ઉલ્લંઘન બદલ ખાનગી અને જાહેર ક્ષેત્રની એરલાઇન્સ સામે કેટલા કેસ નોંધાયા છે.
પાઠકે એ પણ પૂછ્યું હતું કે કેટલા કેસોની તપાસ કરવામાં આવી છે અને કેટલા કેસની તપાસ બાકી છે. તપાસ બાદ ગાઇડલાઇન્સના ઉલ્લંઘન માટે કેટલી એરલાઇન્સ દોષી સાબિત થઇ છે અને વર્ષવાર અને કંપનીવાર દોષી સાબિત થયેલી કંપનીઓ સામે કરવામાં આવેલી કાર્યવાહીની વિગતો કેટલી છે? અને, ત્રણ વર્ષ દરમિયાન સલામતીના કારણોસર રદ કરવામાં આવેલી પેસેન્જર ફ્લાઇટ્સની સંખ્યાની વર્ષવાર અને કંપનીવાર વિગતો શું છે?
સંસદસભ્ય અખિલેશ પ્રસાદ સિંહે પૂછ્યું હતું કે તાજેતરના સમયમાં મુસાફરી દરમિયાન વિમાનમાં અશાંતિની વધતી ઘટનાઓને પગલે ડીજીસીએએ શું પગલાં લીધાં છે? એ જ રીતે કોંગ્રેસના જીસી ચંદ્રશેખરે એરલાઇન કંપનીઓ દ્વારા સલામતીનાં પગલાં સાથે સંબંધિત એક પ્રશ્ન પૂછ્યો હતો.
તેમણે પૂછ્યું, “શું એરલાઇન્સ દેશમાં સલામતીનાં ધોરણોને પૂર્ણ કરી રહી નથી?” શું તે સાચું છે કે તાજેતરના ભૂતકાળમાં કેટલાક વિમાનોએ વિવિધ ખામીઓને કારણે ઇમરજન્સી લેન્ડિંગ કર્યું છે? ડીજીસીએ પર અત્યાર સુધી સરકાર દ્વારા કેવા પ્રકારની કાર્યવાહી કરવામાં આવી છે?
ભાજપના સાંસદ અશોક ચવ્હાણે પણ આ મામલે સવાલો ઉઠાવ્યા છે. તેમનો સવાલ એ છે કે શું અમદાવાદ પ્લેન ક્રેશ બાદ સરકારે તમામ 787 ડ્રીમલાઇનર એરક્રાફ્ટનું નિરીક્ષણ કર્યું છે? તપાસના પરિણામો શું આવ્યા? તેમણે એમ પણ પૂછ્યું હતું કે શું સરકાર તમામ એરલાઇન્સને તેમની પાસે ઉપલબ્ધ તમામ વિમાનોની તપાસ કરવા કહેશે.
અમદાવાદ પ્લેન ક્રેશમાં 260 થી વધુ લોકોના મોત
12 જૂને એર ઇન્ડિયાનું અમદાવાદથી લંડન જઇ રહેલું બોઇંગ 787-8 વિમાન ટેકઓફ થયા બાદ તરત જ એક ઇમારત સાથે અથડાયું હતું. આ દુર્ઘટનામાં 241 મુસાફરો અને ક્રૂ સહિત 260 લોકોના મોત થયા હતા. નવાઈની વાત એ છે કે આ દુર્ઘટનામાં એક મુસાફર બચી ગયો હતો.
Parliament Monsoon Session: સંસદનું ચોમાસું સત્ર સોમવારથી શરૂ થઈ રહ્યું છે. ઉપલા ગૃહમાં સત્રના પહેલા જ દિવસે સરકારને આ વિમાન દુર્ઘટનાને લઈને પ્રશ્નોત્તરી કાળ દરમિયાન અનેક સવાલો પૂછવામાં આવશે. રાજ્યસભાની વેબસાઇટ પર ઉપલબ્ધ માહિતી અનુસાર, સોમવારે પૂછવામાં આવેલા 15 તારાંકિત પ્રશ્નોમાંથી, આઠ નાગરિક ઉડ્ડયન મંત્રાલય સાથે સંબંધિત છે. જેમાંથી પાંચ પ્રશ્નો અમદાવાદ એર ઈન્ડિયા પ્લેન ક્રેશ, તેની તપાસ અને વિમાન મુસાફરોની સુરક્ષા સાથે જોડાયેલા છે.
રાષ્ટ્રીય જનતા દળ (આરજેડી)ના સાંસદ મનોજકુમાર ઝાએ નાગરિક ઉડ્ડયન પ્રધાનને પૂછ્યું હતું કે ત્રણ વર્ષ દરમિયાન ડિરેક્ટોરેટ જનરલ ઓફ સિવિલ એવિએશન (ડીજીસીએ) દ્વારા કેટલી સલામતી અને જાળવણીની તપાસ કરવામાં આવી હતી. આ નિરીક્ષણો દરમિયાન ઓળખી કાઢવામાં આવેલી અનિયમિતતાની સંખ્યા અને પ્રકૃતિ શું હતી?
આવી જ રીતે આમ આદમી પાર્ટી (આપ)ના સાંસદ સંદીપકુમાર પાઠકે મંત્રીને પૂછ્યું હતું કે, છેલ્લા ત્રણ વર્ષ દરમિયાન પેસેન્જર વિમાનોમાં પેસેન્જર સેફ્ટી ગાઇડલાઇન્સના ઉલ્લંઘન બદલ ખાનગી અને જાહેર ક્ષેત્રની એરલાઇન્સ સામે કેટલા કેસ નોંધાયા છે.
પાઠકે એ પણ પૂછ્યું હતું કે કેટલા કેસોની તપાસ કરવામાં આવી છે અને કેટલા કેસની તપાસ બાકી છે. તપાસ બાદ ગાઇડલાઇન્સના ઉલ્લંઘન માટે કેટલી એરલાઇન્સ દોષી સાબિત થઇ છે અને વર્ષવાર અને કંપનીવાર દોષી સાબિત થયેલી કંપનીઓ સામે કરવામાં આવેલી કાર્યવાહીની વિગતો કેટલી છે? અને, ત્રણ વર્ષ દરમિયાન સલામતીના કારણોસર રદ કરવામાં આવેલી પેસેન્જર ફ્લાઇટ્સની સંખ્યાની વર્ષવાર અને કંપનીવાર વિગતો શું છે?
સંસદસભ્ય અખિલેશ પ્રસાદ સિંહે પૂછ્યું હતું કે તાજેતરના સમયમાં મુસાફરી દરમિયાન વિમાનમાં અશાંતિની વધતી ઘટનાઓને પગલે ડીજીસીએએ શું પગલાં લીધાં છે? એ જ રીતે કોંગ્રેસના જીસી ચંદ્રશેખરે એરલાઇન કંપનીઓ દ્વારા સલામતીનાં પગલાં સાથે સંબંધિત એક પ્રશ્ન પૂછ્યો હતો.
તેમણે પૂછ્યું, “શું એરલાઇન્સ દેશમાં સલામતીનાં ધોરણોને પૂર્ણ કરી રહી નથી?” શું તે સાચું છે કે તાજેતરના ભૂતકાળમાં કેટલાક વિમાનોએ વિવિધ ખામીઓને કારણે ઇમરજન્સી લેન્ડિંગ કર્યું છે? ડીજીસીએ પર અત્યાર સુધી સરકાર દ્વારા કેવા પ્રકારની કાર્યવાહી કરવામાં આવી છે?
ભાજપના સાંસદ અશોક ચવ્હાણે પણ આ મામલે સવાલો ઉઠાવ્યા છે. તેમનો સવાલ એ છે કે શું અમદાવાદ પ્લેન ક્રેશ બાદ સરકારે તમામ 787 ડ્રીમલાઇનર એરક્રાફ્ટનું નિરીક્ષણ કર્યું છે? તપાસના પરિણામો શું આવ્યા? તેમણે એમ પણ પૂછ્યું હતું કે શું સરકાર તમામ એરલાઇન્સને તેમની પાસે ઉપલબ્ધ તમામ વિમાનોની તપાસ કરવા કહેશે.
અમદાવાદ પ્લેન ક્રેશમાં 260 થી વધુ લોકોના મોત
12 જૂને એર ઇન્ડિયાનું અમદાવાદથી લંડન જઇ રહેલું બોઇંગ 787-8 વિમાન ટેકઓફ થયા બાદ તરત જ એક ઇમારત સાથે અથડાયું હતું. આ દુર્ઘટનામાં 241 મુસાફરો અને ક્રૂ સહિત 260 લોકોના મોત થયા હતા. નવાઈની વાત એ છે કે આ દુર્ઘટનામાં એક મુસાફર બચી ગયો હતો.
