Vav By Election Result : વાવ બેઠક પર કમળ ખીલ્યું, ભાજપના સ્વરૂપજી ઠાકોરે જીત નોંધાવી

વાવ વિધાનસભા પેટા ચૂંટણીમાં શરૂઆતમાં કોંગ્રેસના ઉમેદવાર ગુલાબસિંહ રાજપૂત આગળ હતા જોકે, છેલ્લા રાઉન્ડોમાં સ્વરૂપજી ઠાકરો આગળ નીકળ્યા હતા. મતગણતરીના અંતે ભાજપના ઉમેદવાર સ્વરુપજી ઠાકોરની જીત થઈ.

વાવ વિધાનસભા પેટા ચૂંટણીની મતગણતરીમાં 21માં રાઉન્ડમાં 162 વોટે ભાજપ આગળ

વાવ વિધાનસભા પેટા ચૂંટણીની મતગણતરીમાં 11 રાઉન્ડના અંતે કોંગ્રેસના આગેવાન ઠાકરશી રબારીએ જીતનો વિશ્વાસ વ્યક્ત કર્યો. તેમણે કહ્યું કે, ગુલાબસિંહ રાજપૂતની સતત લીડ જળવાઈ રહેશે. મત ગણતરીના અંતે ગુલાબસિંહ 10 થી12 હજારની લીડથી જીતશે. વાવ વિસ્તારમાંથી ખૂબ લીડ મળી છે, સુઈગમમાંથી પણ લીડ મળશે. ભાજપના એજન્ટ પણ માની રહ્યા છે કે હવે લીડ નહિ કપાય.

ચૂંટણી પંચ પ્રમાણે વાવ વિધાનસભા પેટા ચૂંટણી મતગણતરીના નવ રાઉન્ડ પૂર્ણ થયા છે. જેમાં કોંગ્રેસને 44906 મત, ભાજપને 31711 મત અને અપક્ષના માવજી પટેલને 8950 મત મળ્યા છે. આમ કોંગ્રેસ 13195 મતે આગળ છે.

કોંગ્રેસના ઉમેદવાર ગુલાબસિંહ રાજપૂત મતગણતરી કેન્દ્ર પર પહોંચ્યા છે. જ્યાં તેમણે પોતાની જીતનો વિશ્વાસ વ્યક્ત કરતાં જણાવ્યું છે કે, હજી તો શરૂઆતનો રાઉન્ડ છે, એમાં અમે આગળ છીએ. હજી ત્રણ રાઉન્ડ પછી અમારી લીડ વધશે અને પહેલેથી છેલ્લે સુધી અમે આગળ રહીશું.

વાવમાં પ્રથમ રાઉન્ડના અંતમાં ગુલાબસિંહ આગળ,10 હજારની લીડથી જીતનો દાવો કર્યો છે

બનાસકાંઠાની વાવ બેઠક ઉપર 20 નવેમ્બર 2024ના રોજ વોટિંગ થયું હતું. જેના આજે 23 નવેમ્બર 2024ના રોજ સવારે 8 વાગ્યાથી જ મતગણતરી શરુ થઈ ગઈ છે.

વાવ વિધાનસભા પેટા ચૂંટણીમાં આ વખતે ત્રિપાંખિયા રાજકીય જંગ છે. કોંગ્રેસનું વર્ચસ્વ ધરાવતી વાવ બેઠક પર કૂલ 310681 મતદાર છે. જેમા ઠાકરો સમાજના મતદારો સૌથી વધારે છે. વાવ વિધાનસભા બેઠક પર ઠાકોર સમાજના 27.4 ટકા, ચૌધરી પટેલના 16.3 ટકા, બ્રાહ્મણ સમાજના 9.1 ટકા, રબારી સમાજના 9.1 ટકા મતદારો છે.

વાવ વિધાનસભા બેઠક જીતવી કોંગ્રેસ અને ભાજપ બહુ જરૂરી છે. 1998 થી 2022 દરમિયાન યોજાયેલી વિધાનસભા ચૂંટણીમાં 4 વખત કોંગ્રેસ અને 2 વખત ભાજપે જીત મેળવી છે. કોંગ્રેસ 1998, 2002, 2017 અને 2022માં વાવ વિધાનસભા બેઠક જીતી હતી. તો ભાજપે 2007 અને 2012માં વાવ વિધાનસભા બેઠક જીતી હતી.

બનાસકાંઠા જિલ્લાની વાવ બેઠક ઉપર ત્રિપાંખિયો જંગ ખેલાયો હતો. જેમાં વાવની પેટા ચૂંટણી જીતવા માટે કોંગ્રેસ અને ભાજપ વચ્ચે જબરદસ્ત રસાકસી છે. આજે સવારે 8 વાગ્યાથી ચૂંટણીની મતગણતરી શરું થશે. આજે ખબર પડશે કે ત્રિપાંખિયો જંગ કોણે જીત્યો?

ગુજરાતની વાવ વિધાનસભા બેઠકની પેટા ચૂંટણીની આજે 23 નવેમ્બર 2024, સવારે 8 વાગ્યાથી મતગણતરી શરુ થશે.