IMD Gujarat Weather Forecast update Today, આજનું હવામાન : ગુજરાતમાં ચોમાસું નજીક આવી રહ્યું છે. તેમ છતાં રાજ્યમાં તાપમાનનો પારો ફરી ઉચકાયો છે. અમદાવાદમાં ગરમી 42 ડિગ્રી નજીક પહોંચ્યું હતું. રાજ્યમાં મહત્તમ તાપમાન 43 ડિગ્રી પાર થયું હતું. જોકે, બે દિવસ બાદ રાજ્યને ગરમીમાંથી છૂટકારો મળે એવી શક્યતાઓ છે. હવામાન વિભાગે આગામી બે દિવસ બાદ ગાજવીજ સાથે વરસાદની આગાહી કરી છે.
ગુજરાતમાં 43 ડિગ્રી પાર પહોંચી ગરમી
હવામાન વિભાગે આપેલા તાપમાનના આંકડા પ્રમાણે રાજ્યમાં મહત્તમ તાપમાન 43 ડિગ્રી વટાવી હતી. રાજ્યમાં 32.8 ડિગ્રીથી લઈને 43.6 ડિગ્રી તાપમાન નોંધાયું હતું. જેમાં 43.6 ડિગ્રી સાથે કંડલા એરપોર્ટ રાજ્યનું સૌથી ગરમ શહેર રહ્યું હતું. જ્યારે દ્વારકામાં 32.8 ડિગ્રી તાપમાન નોંધાયું હતું.
અમદાવાદમાં 42 ડિગ્રી નજીક પહોંચ્યું
હવામાન વિભાગે આપેલા ગરમી પ્રમાણે અમદાવાદમાં 41.9 ડિગ્રી મહત્તમ તાપમાન નોંધાયા શહેરમાં ગરમી 42 ડિગ્રી નજીક પહોંચી છે. જ્યારે ગાંધીનગરમાં 41.5 ડિગ્રી મહત્તમ તાપમાન નોંધાયું હતું. રાજ્યમાં ફરીએકવાર સિઝનની સૌથી વધારે ગરમી નોંધાઈ હતી.
ગુજરાતમાં ક્યાં કેટલી ગરમી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 41.9 28.8 ડીસા 41.1 28.6 ગાંધીનગર 41.5 28.2 વિદ્યાનગર 40.7 27.4 વડોદરા 40.4 29.4 સુરત 37.8 29.6 વલસાડ – – દમણ 34.2 29.0 ભૂજ 39.8 27.6 નલિયા 35.0 28.5 કંડલા પોર્ટ 37.5 28.3 કંડલા એરપોર્ટ 43.6 28.4 અમરેલી 40.5 26.0 ભાવનગર 42.4 30.6 દ્વારકા 32.8 28.8 ઓખા 35.6 29.2 પોરબંદર 35.8 28.0 રાજકોટ 41.3 26.2 વેરાવળ 32.8 29.1 દીવ 37.0 28.5 સુરેન્દ્રનગર 42.3 28.5 મહુવા 38.8 28.5 કેશોદ 36.5 28.1
બે દિવસ બાદ રાજ્યમાં ગાજવીજ સાથે વરસાદની આગાહી
હવામાન વિભાગે બે દિવસ બાદ વરસાદની આગાહી કરી છે. આગાહી પ્રમાણે સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગરમાં ગાજવીજ સાથે વરસાદની આગાહી છે.
આ ઉપરાંત વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી તેમજ સૌરાષ્ટ્રના જૂનાગઢ, અમરેલી, ભાવનગર, ગીર સોમનાથ, બોટાદ અને દીવમાં કડાકા ભડાકા સાથે વરસાદની આગાહી કરી છે.
