Guru Gochar 2025: વૈદિક જ્યોતિષ શાસ્ત્ર અનુસાર ઓક્ટોબર મહિનામાં ગુરુ ગ્રહ વિશેષ રાશિ બદલવા જઈ રહ્યો છે. આ પરિવર્તન માત્ર જ્યોતિષીય દ્રષ્ટિએ જ મહત્વપૂર્ણ નથી, પરંતુ કેટલીક રાશિઓ માટે જીવનમાં મોટા સકારાત્મક ફેરફારો પણ લાવશે. ઓક્ટોબરમાં ગુરુ પોતાની ઉન્નત રાશિ કર્ક રાશિમાં પ્રવેશ કરશે, જેને ચંદ્રની રાશિ માનવામાં આવે છે. ચંદ્ર ગુરુનો મિત્ર છે, તેથી આ ગોચર અત્યંત શુભ અને ફળદાયી માનવામાં આવે છે.
જ્યોતિષશાસ્ત્રમાં ગુરુ ગ્રહને દેવોનો ગુરુ કહેવામાં આવે છે અને તે શિક્ષણ, સંતાન, સંપત્તિ, ભાગ્ય, પૂર્ણ્ય અને ધાર્મિકતા જેવા વિષયોનો સૂચક છે. જ્યારે પણ તેમની ગતિમાં ફેરફાર થાય છે, ત્યારે આ વિસ્તારોમાં તેની અસર સ્પષ્ટ દેખાય છે. આવી સ્થિતિમાં કેટલીક રાશિઓ તેમના મિત્ર ચંદ્રના ઘરે ગુરુના પ્રવેશથી લાભ મેળવી શકે છે. તો ચાલો જાણીએ કઈ 3 રાશિઓ માટે આ ગોચર સૌથી વધુ લકી સાબિત થઈ શકે છે.
તુલા રાશિ
તુલા રાશિ માટે ગુરુનું આ ગોચર ખૂબ જ શુભ સાબિત થઈ શકે છે. આ સમયે તમને નવી નોકરીની ઓફર મળી શકે છે અથવા વર્તમાન નોકરીમાં બઢતીની તકો મળી શકે છે. નોકરિયાત લોકોને વરિષ્ઠોનો સહયોગ મળશે અને કામની પ્રશંસા થશે. આ સમયગાળા દરમિયાન બઢતી અને નવી જવાબદારીઓ મળવાની પણ સંભાવના છે. સાથે જ બિઝનેસ કરનારાને લાભની નવી તકો મળી શકે છે. વેપારી વર્ગ માટે આ સમય લાભદાયક રહેશે. એકંદરે આ સમય કારકિર્દી અને વ્યાવસાયિક વિકાસ માટે અનુકૂળ છે.
વૃશ્ચિક રાશિ
વૃશ્ચિક રાશિના જાતકો માટે પણ આ ગોચર ખૂબ જ ફાયદાકારક રહેશે. ગુરુ તમારી કુંડળીના નવમા ભાવમાં ગોચર કરશે, જેને ભાગ્ય અને ધર્મનું ઘર કહેવામાં આવે છે. આ સમયે તમારા અટકેલા કામ થવા લાગશે. તમને ભાગ્યનો ઘણો સાથ મળશે. જો તમે નવી નોકરી કે પ્રમોશનની શોધમાં છો તો આ સમય ખૂબ જ શુભ છે. વેપાર-ધંધાર્થીઓ માટે યાત્રા લાભદાયી સાબિત થઈ શકે છે. આ સમય દરમિયાન, તમે ધાર્મિક પ્રવૃત્તિઓમાં ભાગ લઈ શકો છો અથવા કોઈ તીર્થસ્થાનની મુલાકાત લઈ શકો છો. અટવાયેલી પ્રોપર્ટી ડીલ પૂરી થઈ શકે છે અથવા નવું રોકાણ લાભ આપી શકે છે.
આ પણ વાંચો – સપનામાં વરસાદ સહિત આ 4 વસ્તુઓ દેખાવવી ખૂબ જ શુભ, કારકિર્દીમાં પ્રગતિ સાથે થાય છે ધનલાભ
ધનુ રાશિ
ગુરુનું આ ગોચર ધનુ રાશિના જાતકો માટે ફાયદાકારક સાબિત થઈ શકે છે. તે તમારી કુંડળીના સાતમા ભાવમાં ગોયર કરશે, જે લગ્ન, ભાગીદારી અને જીવનસાથી સાથે જોડાયેલ છે. તેથી વિવાહિત લોકો માટે આ સમય સુખદ રહેશે. જીવનસાથીને કરિયરમાં પ્રગતિ મળી શકે છે. બીજી તરફ જે લોકો અપરિણીત છે તેમને સારા સંબંધો માટે પ્રપોઝલ મળી શકે છે. આ સિવાય ગુરુ તમારી કુંડળીમાં પ્રભાવી અને ચોથા ભાવનો સ્વામી છે, તેથી તમે આ સમયે નવું વાહન અથવા સંપત્તિ ખરીદી શકો છો. સામાજિક સન્માનમાં પણ વધારો થશે અને લોકો તમારા કાર્યની પ્રશંસા કરશે.
ડિસ્ક્લેમર– આ લેખમાં આપવામાં આવેલી કોઈપણ માહિતીની સચોટતા અથવા વિશ્વસનીયતાની ખાતરી આપવામાં આવી નથી. આ માહિતી જ્યોતિષ, પંચાંગ, માન્યતાઓ અથવા ધાર્મિક ગ્રંથો જેવા વિવિધ માધ્યમોમાંથી એકત્રિત કરવામાં આવી છે. અમારો હેતુ માત્ર માહિતી પહોંચાડવાનો છે. અમે તેની ચોકસાઈ અને ઉદભવની પ્રામાણિકતા આપી શકતા નથી. કૃપા કરીને તેનો કોઈપણ પ્રકારનો ઉપયોગ કરતા પહેલા સંબંધિત નિષ્ણાતની સલાહ લો.
