Share Market News: RBI એ વ્યાજદર ન ઘટાડતા શેરબજાર સતત બીજા દિવસે ડાઉન, હેલ્થકેર ઇન્ડેક્સમાં 762 પોઇન્ટનો કડાકો

શેરબજારમાં એકંદરે ભારે વેચવાલીથી માર્કેટ બ્રેડ્થ નેગેટિવ રહી હતી. આજે બીએસઇ પર 1347 શેર વધી જ્યારે 2705 શેર ઘટી બંધ થયા હતા. આજે બીએસઇની માર્કટકેપ 445.19 લાખ કરોડ રૂપિયા થઇ હતી, જે આગલા દિવસે 447.97 લાખ કરોડ રૂપિયા હતી. આમ બુધવારે શેરબજારમાં રોકાણકારોને 1.5 લાખ રૂપિયાથી વધુ નુકસાન થયું છે.

સુસ્ત શેરબજારમાં બુધવારે ચલણી શેરમાં ભારે વેચવાલીથી બીએસઇ સ્મોલકેપ ઇન્ડેક્સ 603 પોઇન્ટ અને મિડકેપ ઇન્ડેક્સ 454 પોઇન્ટ તૂટ્યા હતા. કેપિટલ ગુડ્સ 569 પોઇન્ટ, હેલ્થકેર 761 પોઇન્ટ તૂટ્યા હતા. ટ્રમ્પ ટેરિફના ટેન્શનમાં શેરબજાર સતત ઘટી રહ્યું છે.

શેરબજારમાં બુધવારે રેન્જ બાઉન્ડ ટ્રેડિંગ બાદ સેન્સેક્સ નિફ્ટી સતત બીજા દિવસે ઘટાડે બંધ થયા છે. સેન્સેક્સ 166 પોઇન્ટ ઘટી 80543 અને નિફ્ટી 75 પોઇન્ટ ઘઠી 24574 બંધ થયો છે. આજે સેન્સેક્સની ટ્રેડિંગ રેન્જ 80448 થી 80834 હતી. આરબીઆઈ ધિરાણનીતિમાં મુખ્ય વ્યાજદર યથાવત રહેતા માર્કેટ સેન્ટિમેન્ટ નબળુ પડ્યું છે.

એનએસડીએલ શેર લિસ્ટિંગ ધમાકેદાર રહ્યું છે. આજે બીએસઇ પર નેશનલ સિક્યોરિટી ડિપોઝિટરી લિમિટેડ (NSDL)નો શેર 880 રૂપિયાના ભાવે લિસ્ટેડ થયો છે, જે આઈપીઓ ઇશ્યુ પ્રાઇસ 800 રૂપિયા પ્રતિ શેરની તુલનાએ 10 ટકા લિસ્ટિંગ ગેઇન દર્શાવે છે. તેજીની ચાલમાં NSDLનો શેર ઉપરમાં 920 રૂપિયા સુધી ગયો છે.

શેરબજાર આરબીઆઈની ધિરાણનીતિ બાદ નરમ ટ્રેડ કરી રહ્યું છે. આરબીઆઈ એ ઓગસ્ટ મહિનાની મોનેટરી પોલિસીમાં રેપો રેટ સહિત તમામ મુખ્ય વ્યાજદરો સ્થિર રાખ્યા છે. સેન્સેક્સ 200 પોઇન્ટ ઘટી 80520 અને નિફ્ટી 75 પોઇન્ટ ઘટીને ટ્રેડ કરી રહ્યો છે. બેંક શેરમાં નરમાઇ થી બેંક નિફ્ટી પણ ડાઉન છે.

આજે સેન્સેક્સ નિફ્ટી ફ્લેટ ખુલ્યા બાદ એકંદરે પોઝિટિવ ટ્રેડ કરી રહ્યા છે. સેન્સેક્સ પાછલા બંધ 80710 સામે આજે 80694 ખુલ્યા હતા. સેન્સેક્સ 100 પોઇન્ટ આસપાસ વધી 80775 આશપાસ ટ્રેડ કરી રહ્યો છે. તો એનએસઇ નિફ્ટી પાછલા બંધ 24,649 સામે આજે 24,641 ખુલ્યો હતો. બેંક શેરમાં સુધારાથી બેંક નિફ્ટી ઇન્ડેક્સ પોઝિટિવ ટ્રેડક રી રહ્યો છે. આજે આરબીઆઈની ધિરાણનીતિ જાહેર થવાની છે. ઉપરાંત એનએસડીએલ કંપનીઓનું શેર લિસ્ટિંગ પણ થવાનું છે.

આજે શેરબજારમાં મુખ્ય બે કંપનીઓના શેર લિસ્ટિંગ થવાના છે. જેમા BSE પર એનએસડીએલ કંપનીનો શેર લિસ્ટિંગ થવાનો છે. NSDL આઈપીઓની ઇશ્યુ પ્રાઇસ 800 રૂપિયા પ્રતિ શેર હતી. આ આઈપીઓ 49 ગણો ભરાયો હતો. ઉપરાંત આજે BSE અને NSE પર શ્રી લોટ્સ ડેવલપર્સ કંપનીના શેર લિસ્ટિંગ થવાના છે. લોટસ ડેલપર્સ આઈપીઓની ઇશ્યુ પ્રાઇસ 150 રૂપિયા પ્રતિ શેર છે.

આજે એશિયન માર્કેટમાં નરમાઇનો ટ્રેન્ડ છે. ગિફ્ટ નિફ્ટી ઇન્ડેક્સ 31 પોઇન્ટ નરમ છે. તો સ્ટ્રેઇટ્સ ટાઇમ્સ, તાઇવાન, કોસ્પી ઇન્ડેક્સ પણ ડાઉન છે. જાપાનીઝ શેરબજારનો બેન્ચમાર્ક નિક્કેઇન 225 ઇન્ડેક્સ 225 પોઇન્ટના સુધારા સાથે ટ્રેડિંગ કરી રહ્યો છે.

આજે આરબીઆઈની ધિરાણનીતિ જાહેર થશે. રિઝર્વ બેંકની ત્રણ દિવસીય મોનેટરી પોલિસી કમિટીની બેઠક 4 ઓગસ્ટે શરૂ થઇ હતી. આ બેઠકના સમીક્ષા પરિણામની આજે સવારે 10 વાગે આરબીઆઈ ગવર્નર સંજય મલ્હોત્રા ઘોષણા કરશે. માર્કેટ એક્સપર્ટ્સની વ્યાપક અપેક્ષા મુજબ આરબીઆઈ સાવધાનીપૂર્વક આ વખતે પણ વ્યાજદર ઘટાડી શકે છે. નોંધનિય છે કે, આ અગાઉ 3 તબક્કામાં રિઝર્વ બેંક કુલ 1.5 ટકા રેપોરેટ ઘટાડ્યો છે.