Google Pixel 10 Series launched in India : આખરે રાહ જોવાની ઘડી પૂરી થઈ અને નવા પિક્સેલ સ્માર્ટફોન્સ મેડ બાય ગૂગલ 2025 ઓફ ધ યર ઇવેન્ટમાં લોન્ચ કરવામાં આવ્યા છે. ગૂગલ પિક્સેલ 10 સિરીઝમાં, ગૂગલે નવા ફોલ્ડેબલ સ્માર્ટફોન સહિત કુલ 4 નવા હેન્ડસેટનું અનાવરણ કર્યું છે.
ગૂગલ પિક્સેલ 10 સિરીઝની કિંમત
પિક્સેલ 10નો એકમાત્ર 256GB વેરિઅન્ટ ભારતમાં લોન્ચ કરવામાં આવ્યો છે, જેની કિંમત 79,999 રૂપિયા છે. તે ચાર રંગ વિકલ્પોમાં ઉપલબ્ધ છે – ઇન્ડિગો, ફ્રોસ્ટ, લેમનગ્રાસ અને ઓબ્સિડિયન.
પિક્સેલ 10 પ્રોની કિંમત ભારતમાં 1,09,999 રૂપિયા છે, જ્યારે પિક્સેલ 10 પ્રો એક્સએલની કિંમત 1,24,999 રૂપિયા છે. બંને મોડેલ 256GB સ્ટોરેજ વિકલ્પમાં ઉપલબ્ધ થશે. આ જેડ, મૂનસ્ટોન અને ઓબ્સિડિયન રંગોમાં ઉપલબ્ધ થશે, જ્યારે પિક્સેલ 10 પ્રો પણ એક્સક્લુઝિવ પોર્સેલિન ફિનિશમાં રજૂ કરવામાં આવ્યો છે.
ગૂગલ પિક્સેલ 10 પ્રો XL ના 256 GB સ્ટોરેજ વેરિઅન્ટની કિંમત 1,24,999 રૂપિયા રાખવામાં આવી છે. આ ફોન જેડ, મૂનસ્ટોન અને ઓબ્સિડિયન રંગોમાં ઉપલબ્ધ થશે.
ગૂગલ પિક્સેલ 10 સ્પેશિફિકેશન્સ, સુવિધાઓ
ગુગલ પિક્સેલ 10 એ શ્રેણીનું પ્રમાણભૂત મોડેલ છે, જેમાં 6.3-ઇંચ OLED સુપર એક્ટુઆ ડિસ્પ્લે છે. સ્ક્રીન 120Hz રિફ્રેશ રેટ અને 3,000 nits ની પીક બ્રાઇટનેસ સાથે આવે છે. તેમાં નવું 3nm ટેન્સર G5 SoC પ્રોસેસર છે અને 12GB RAM છે. આ ફોન એન્ડ્રોઇડ 16 પર ચાલે છે અને કંપની 7 વર્ષ સુધી અપડેટ્સની ગેરંટી આપે છે.
કેમેરા સેટઅપ વિશે વાત કરીએ તો, તેમાં બેક પેનલ પર ટ્રિપલ કેમેરા સિસ્ટમ છે, જેમાં 48MP પ્રાઇમરી સેન્સર, 10.8MP ટેલિફોટો લેન્સ (5x ઝૂમ) અને 13MP અલ્ટ્રાવાઇડ શૂટર શામેલ છે. પાવર માટે, તેમાં 4,970mAh બેટરી છે, જે 30W વાયર્ડ અને 15W વાયરલેસ ચાર્જિંગને સપોર્ટ કરે છે. ફોનને મજબૂતાઈ માટે IP68 રેટિંગ પણ મળ્યું છે.
Google Pixel 10 Pro સ્પેશિફિકેશન્સ, સુવિધાઓ
Google Pixel 10 Pro સ્માર્ટફોનમાં Tensor G5 ચિપસેટ છે. હેન્ડસેટમાં 16GB RAM છે. ડિવાઇસમાં 6.3-ઇંચ LTPO ડિસ્પ્લે છે જે 1 થી 120 Hz સુધીના ડાયનેમિક રિફ્રેશ રેટને સપોર્ટ કરે છે. સ્ક્રીન 3000 nits પીક બ્રાઇટનેસ આપે છે અને તેમાં ગોરિલા ગ્લાસ વિક્ટસ 2 પ્રોટેક્શન છે.
ફોટોગ્રાફી વિશે વાત કરીએ તો, આ સ્માર્ટફોનમાં ટ્રિપલ રીઅર કેમેરા સેટઅપ છે. ડિવાઇસમાં 50MP પ્રાઇમરી, 48MP અલ્ટ્રાવાઇડ અને 48MP ટેલિફોટો લેન્સ છે. અલ્ટ્રાવાઇડ અને ટેલિફોટો લેન્સ મેક્રો ફોટોગ્રાફીને સપોર્ટ કરે છે. પિક્સેલ પ્રો વેરિઅન્ટમાં ૧૧.૧ મેગાપિક્સેલનો ફ્રન્ટ કેમેરા છે.
આ ડિવાઇસમાં 4,870 એમએએચ બેટરી છે જે 30 વોટ વાયર્ડ ચાર્જિંગને સપોર્ટ કરે છે. આ ઉપરાંત, યુઝર્સને ixelSnap મેગ્નેટિક વાયરલેસ ચાર્જિંગની સુવિધા મળે છે, જે કેબલ વગર ફોનને સરળતાથી ચાર્જ કરી શકે છે.
ગૂગલ પિક્સેલ 10 પ્રો એક્સએલ સ્પેશિફિકેશન્સ, સુવિધાઓ
ગુગલ પિક્સેલ 10 પ્રો એક્સએલ સ્માર્ટફોનમાં 16 જીબી સુધીની રેમ અને નવી ટેન્સર જી૫ ચિપસેટ છે જે ટીએસએમસીની 3 એનએમ પ્રક્રિયા પર આધારિત છે. ગૂગલનો દાવો છે કે આ ફોન વધુ સારું પ્રદર્શન, સરળ મલ્ટીટાસ્કીંગ અને અદ્યતન એઆઈ ક્ષમતાઓ પ્રદાન કરશે.
આ પણ વાંચોઃ- Honor એ સસ્તો 5G સ્માર્ટફોન લોંચ કર્યો, ધાસૂં બેટરી, જોરદાર કેમેરા, કિંમત પણ ઓછી, અહીં જાણો બધું જ
આ ડિવાઇસમાં 6.8 ઇંચનો LTPO ડિસ્પ્લે છે જે 1-120 હર્ટ્ઝ એડેપ્ટિવ રિફ્રેશ રેટને સપોર્ટ કરે છે. સ્ક્રીન 3000 નિટ્સ પીક બ્રાઇટનેસ સપોર્ટ સાથે આવે છે અને ડિસ્પ્લે પ્રોટેક્શન માટે કોર્નિંગ ગોરિલા ગ્લાસ વિક્ટસ ૨ આપવામાં આવ્યો છે.
ફોટોગ્રાફી માટે પિક્સેલ 10 પ્રો એક્સએલમાં 50 એમપી પ્રાઇમરી, 48 એમપી અલ્ટ્રાવાઇડ લેન્સ અને 48 એમપી ટેલિફોટો લેન્સ છે. આ ડિવાઇસમાં સેલ્ફી અને વીડિયો કોલિંગ માટે 42MP ફ્રન્ટ કેમેરા છે. આ સ્માર્ટફોનને પાવર આપવા માટે, 45W વાયર્ડ ફાસ્ટ ચાર્જિંગ સાથે 5200mAh મોટી બેટરી છે જે PixelSnap વાયરલેસ ચાર્જિંગને સપોર્ટ કરે છે.
