ટીવીએસ ઓર્બિટર અને ઓલા S1X માં કયું ઇલેક્ટ્રિક સ્કૂટર કિંમત, ફિચર્સ અને રેન્જ મામલે શાનદાર? જાણો

TVS Orbiter vs Ola S1X Comparison Report: ટીવીએસ મોટરે તેનું નવું ઇલેક્ટ્રિક સ્કૂટર ઓર્બિટર લોન્ચ કર્યું છે, જે ટીવીએસ લાઇનઅપમાં આઇક્યુબ રેન્જની નીચે આવે છે અને અન્ય સસ્તા ઇલેક્ટ્રિક સ્કૂટર્સને સખત ટક્કર આપે છે . જેમાંથી સૌથી અગ્રણી ઓલા એસ 1એક્સ છે. ચાલો આપણે બે એન્ટ્રી-લેવલ ઇલેક્ટ્રિક સ્કૂટર્સ વચ્ચેની સરખામણી પર એક નજર કરીએ કે કિંમત, ફિચર્સ, રેન્જ અને સ્પેસિફિકેશન દ્રષ્ટિએ કયું એક વધુ સારો વિકલ્પ બની શકે છે.

TVS ઓર્બિટર વિ ઓલા S1 X ડાયમેંશન

ટીવીએસ ઓર્બિટર ઓલા એસ 1એક્સ કરતા 7 કિલો વજનદાર છે. જોકે ઓર્બિટર એસ1એક્સ કરતા વધુ આરામદાયક સીટ અને શાનદાર ગ્રાઉન્ડ ક્લિયરન્સ આપે છે. આ ઓર્બિટર એસ1એક્સની સરખામણીમાં ઘણું મોટું અને લાંબુ છે.

ટીવીએસ ઓર્બિટર વિ ઓલા S1 X ફિચર્સ

ફીચર્સની વાત કરીએ તો બંને સ્કૂટર્સ ખૂબ જ સારા ફીચર્સથી સજ્જ છે. બંને સ્કૂટર્સ કલર એલસીડી ઇન્સ્ટ્રુમેન્ટ પેનલ સાથે આવે છે જે સ્માર્ટફોન કનેક્ટિવિટી અને નેવિગેશન સાથે જોડાયેલ છે. તેમાં ક્રૂઝ કન્ટ્રોલ, એલઇડી હેડલેમ્પ્સ, રિવર્સ મોડ અને 34 લિટર અંડરસીટ સ્ટોરેજ પણ મળે છે. ઓર્બિટરમાં એસ1એક્સમાં આપવામાં આવેલી 4.3 ઇંચની ડિસ્પ્લે કરતા 5.5 ઇંચની મોટી ડિસ્પ્લે છે. જીઓ-ફેન્સિંગ, ક્રેશ/ફોલ એલર્ટ, એન્ટિ-થેફ્ટ ટ્રેકિંગ અને ચાર્જિંગ, રેન્જ વગેરે પર નજર રાખવા માટે કનેક્ટેડ મોબાઇલ એપ્લિકેશન્સ જેવી સલામતી સુવિધાઓ બંનેમાં સમાન છે. એસ1 એક્સમાં યુએસબી ચાર્જિંગ પોર્ટ નથી, જે ઓર્બિટરમાં છે.

આ પણ વાંચો – 50MP કેમેરા અને 5000mAh બેટરી વાળો સેમસંગનો સસ્તો ફોન લોન્ચ, જાણો કિંમત અને ફિચર્સ

ટીવીએસ ઓર્બિટર વિ ઓલા S1 X બેટરી અને મોટર સ્પેસિફિકેશન્સ

ઓલા એસ 1 એક્સના બેઝ વેરિઅન્ટમાં 2 કેડબ્લ્યુએચની નાની બેટરી છે જે સિંગલ ચાર્જ પર 108 કિ.મી.ની રેન્જનો દાવો કરે છે. ટીવીએસ ઓર્બિટરમાં 3.1 કેડબ્લ્યુએચની મોટી બેટરી છે જે એક જ ચાર્જ પર 158 કિ.મી.ની રેન્જનું વચન આપે છે. ઓલા 101 કિમી પ્રતિ કલાકની ટોપ સ્પીડ સાથે વધુ સારું પરફોર્મન્સ આપે છે, જ્યારે ઓર્બિટર માત્ર 68 કિમી પ્રતિ કલાકની ટોપ સ્પીડ પકડી શકે છે.

TVS ઓર્બિટર વિ ઓલા S1X કિંમત

કિંમતની વાત કરીએ તો બંને ઇલેક્ટ્રિક સ્કૂટર એકબીજા સાથે બિલકુલ મળતા આવે છે.